Lank, lank gelede. Verlede jaar toe dit nog Oktober was, het drie meisies besluit dat hulle kans sien om Lappies & Lallie uit die puinhoop  van sy bestaan te red. Die gemeenskaps projek sou alle fassette van die gemeenskap aanraak. Reinetta Ridley bedryf La Reynette Centre en het goeie kennis van bejaardes en verswaktes. Anneke Viljoen is 'n geestelike sanger van formaat en bestuur Grace Music Outreach Ministries. Sy gaan die jong mense oplei in drama en sang. Marian Botes se hart is diep gewortel vir die saak. Sy sal die dagsorg vir bejaardes bestuur maar neem ook verantwoordelikheid vir die instandhouding van die gronde aan.

Bewysstuk nommer een. Die vervalle toilette is herstel deur 'n bekwame loodgieter wat deur Anneke aangestel is. Anneke vertel van baie borge en ons sien daarna uit om julle van hulle te vertel een van die dae.