Tuesday, June 28, 2011
Vadersdag met Stefan
2:37 AM | 
Posted by
La Reynette Centre
Hierdie dag het sy kleure gedraai met Stefan se diep manlike stem. Vadersdag het een moeder se ogies laat opflikker en nuwe lewe het sy draai in haar lyf gemaak soos wat ek nog nie in haar gesien het nie.
Tannie Meisie Pretorius (inwoner vir 4 jaar) het my na my asem laat snak toe sy toegelaat het dat die hede haar ontvoer het na 'n verlede wat gebokspring het.
Bewys nommer 1: Kyk na my ouma in die blou baadjie aan die regterkant. Sy het behoorlik vadersdag gekaap. Oupa Piet Niemand aan haar sy het net toegekyk en lekker saam gelag...
Stefan jy het dit my ou!
Ek weet nie of dit net oor die blou gegaan het nie maar tannie Meisie se swaai het aansteeklik geword. Hier is oom Andries Koekemoer ook in ekstase. Stefan het na afloop aan almal 'n geskenkie gegee.
 |
| Stefan is 'n baie begaafde sanger en komponis. Met sy groot kunstige talente het hy al sy eie DVD gemaak. Van die stylering, musiek skryf, musiek instrumente bespeel, sang, agtergrond insetsels, redigering, noem maar op, hy het dit alles self gedoen. Sy liedjie vir Oprah Winfrey kan op You-Tube gesien word. Tik net "The Oprah Song" in. Scroll af na StefanVenter en click. Ons hier by La Reynette Centre wil jou hartlik bedank vir 'n pragtige uur van sang en ons wens vir jou 'n oop pad vorentoe. |
Subscribe to:
Post Comments (Atom)
0 comments:
Post a Comment